دوابهدوای ڕاگهیاندنی بهڕێوهچوونی چالاكییهكی نیزامیی سپای پاسدارانی كۆماری ئیسلامی له ناوچهكانی مهریوان، دیواندهره و سهقز، سهرچاوهكانی تۆڕی مافهكانی مرۆڤی كوردستان باس له گواستنهوهی چەکوچۆڵی قورس و ئامادهكاریی شهڕ له دهوروبهری چیای «چلچهمه» و گوللەبارانکردنی بهشێك لهم چیایه له لایهن ههلیكۆپتهرهكان سپاوه له ڕۆژانی ڕابردوودا دهكەن.
حهفتهی ڕابردوو سهید سادق حسهینی، فهرماندهی سپای بهیتولموقەدەسی كوردستان، له وتوێژێكدا لهگهڵ میدیاکانی نزیك بەم ڕێكخراوه نیزامی-ئهمنیهتییه، ڕایگهیاندبوو کە ئهم چالاكییه سەربازییه بهشێكه له بهرنامهی ساڵانهی سپای پاسداران كه ههر ساڵهو له یهكێك له ناوچه گشتییهكانی ئێراندا بهڕێوه دهچێ و ئهمساڵیش كوردستان خانهخوێیهتی.
ژمارهیهك له خهڵكی گوندەکانی دانیشتووی چیای چلچهمه له شاری دیواندهره، به تۆڕی مافهكانی مرۆڤی كوردستانیان ڕاگهیاندووه كه هێزهكانی سپای پاسداران هاتوچۆی جووتیار و شوان و مهڕوماڵاتهكانی ناوچهی چیای چلچهمهیان قهدهغه كردووه و له دوو ڕۆژی ڕابردوودا به ههلیكۆپتهر و تۆپخانهكانی سپای پاسداران هێرشیان كردووهته سهر بهشێك لهم چیایه.
به وتهی ئهم گوندنشینانه، هێزهكانی سپا ههڕهشهیان له خهڵك كردووه ئهگهر ئهم ناوچهیه ئاگری لێ كهوتهوه كهس مافی ئهوهی نییه بڕوات و ئاگرهكه بكوژێنێتهوه و ئهگهر كهسێك لهو شوێنەدا ببنیرێت ئهكهوێته بهر تهقهی ڕاستهوخۆیان.
پێشتر و له ساڵانی ڕابردوودا هێزهكانی سپای پاسدارن له پاییزی ههموو ساڵێكدا مانۆڕە ئهمنیهتییەکانیان له ناوچهكانی چیای داڵاهۆ و كۆساڵان بهڕێوه ئهبرد و بهشێكی زۆری ئه م دوو ناوچهیه له ئاكامی ئهم مانوڕانهدا تووشی سووتاندن بوون.
مانۆڕی سەربازیی سپای پاسداران له چهند ناوچهیهكی كوردستان و تۆپبارانكردنی چیاكانی دیواندهره
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە