به‌ پێی زانیارییه‌كانی تۆڕی مافەکانی مرۆڤی كوردستان، ڕۆژی دووشه‌ممه‌ ١٩ی جۆزه‌ردان، هاووڵاتییه‌كی كورد به‌ ناوی خیره‌ت په‌روازه خه‌ڵکی گوندی “نێ”ی سه‌ر به ‌شاری مه‌ریوان له‌ پارێزگای كوردستان، دوای بانگهێشتكردنی بۆ ڕێكخراوی ئیتڵاعاتی سپای پاسدارانی ئه‌م شاره‌ ده‌ستبه‌سه‌ر و ڕه‌وانه‌ی شوێنێكی نادیار كراوه‌.
سه‌ره‌ڕای به‌دواداچوونی بنه‌ماڵه‌ی ئه‌م هاووڵاتییە و بەسەرکردنەوەی شوێنه‌ ئه‌منیه‌تییه‌كانی مه‌ریوان، به‌ڵام تا كاتی نووسینی ئه‌م هه‌واڵه‌‌ هیچ زانیارییه‌كی دروست له‌سەر هۆکاری ده‌ستبه‌سه‌رکردن و شوێنی ڕاگرتنی لە به‌رده‌ستدا نییه.