ڕۆژی پێنجشەممە ٨ی جۆزەردان، هێزەکانی پاسەوانی سنووری کۆماری ئێیسلامی ئێران لە نزیک گوندی “کەرکووش”ی شاری خۆی لە پارێزگای ئازەربایجانی ڕۆژئاوا، کاروانێک لە کۆڵبەرانیان دایە بەر دەسڕێژ کە لە ئەنجامدا دوو کۆڵبەر گیانیان لە دەست دا. بە پێی زانیارییەکانی تۆڕی مافەکانی مرۆڤی کوردستان، هێزە چەکدارەکان بە شێوەی ڕاستەوخۆ تەقەیان لەم کۆڵبەرانە کردووە و گوللەکان بەر چاو و ملیان کەوتووە.
سەرچاوەیەکی ئاگادار لە شاری خۆیدا بە تۆڕی مافەکانی مرۆڤی کوردستانی ڕاگەیاند: «کاتژمێر ٢٢ی ئەمشەو (پێنجشەممە ٨ی جۆزەردان) دەستەیەک لە کۆڵبەرانی خەڵکی گوندی کەرکووشی ناوچەی ئەلەند، لە لایەن پاسگای ئەم گوندە سنوورییەوە کەوتنە بەر دەسڕێژی ڕاستەوخۆی هێزەکانی ۆاسەوانی سنوورەوە. لە ئەنجامی ئەم تەقەکردنەدا دوو کۆڵبەر بە ناوەکانی موحسێن دەروێشزادە و ئیبراهیم جۆردیزەج گیانیان لە دەست دا.» بە وتەی ئەم سەرچاوەیە، موحسێن دەروێشزادە خێزاندار بوو و منداڵێکیشی هەیە، ئیبراهیم جۆردیزەجیش زگورت بوو.
بە پێی ئامارە کۆکراوەکانی تۆڕی مافەکانی مرۆڤی کوردستان، لە حەفتەی ڕابردوودا ٥ کۆڵبەر و کاسبی سەرسنوور لو ناوچە سنوورییەکانی نێوان پارێزگای ئازەربایجانی ڕۆژئاوا و وڵاتی تورکیادا کەوتوونەتە بەر تەقەی ڕاستەوخۆی هێزە سنوورپارێزەکانی ئێران و تورکیاوە و گیانیان لە دەست داوە، بە پێی ئەم ئامارە ٦ کەسی دیکەیش بریندار بوون.
خۆی؛ کوژرانی دوو کۆڵبەری دیکە لە لایەن هێزەکانی پاسەوانی سنووری ئێرانەوە (ئاگاداری: ئەم هەواڵە هەڵگری وێنەی دڵتەزێنی ئەو کۆڵبەرانەیە)
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە