لێدووانی سەرچاوە باوەڕپێکراوەکان بۆ تۆڕی مافەکانی مرۆڤی کوردستان ئاشکرایدەکەن کە لە چەند مانگی ڕابردوودا ئیدارهی ئیتلاعات و ڕێکخراوی ئیتلاعاتی سپای پاسدارانی شۆڕشی ئیسلامی لە شارەکانی سەلماس، ورمێ، سەقز، بۆکان، سنە، مەریوان، کامیاران، پاوە، جوانڕۆ و کرماشان هەستاون بە بانگهێشتکردنی بنەماڵەکانی چالاکوانانی کورد بەتایبەت ئەندامانی حزبە ئۆپۆزیسیۆنە کوردییەکانی دانیشتووی هەرێمی کوردستان و هەڕەشەیان لێدەکەن.
بەگوێرەی ئەو سەرچاوانە، لێکۆڵەرە ئەمنییەکان زەختیان کردووەتە سەر ئەو بنەماڵانە و داوایان لێکردوون ناونیشانی ڕێک و وێنەی ڕۆڵەکانیان بدەنە ئەو ناوەندانە. هەروەها لێکۆڵینەوە لەگەڵ ئەو بنەماڵانە کراوە و هەڕەشەیان لێکراوە لە ئەگەری پێداگریی ڕۆڵەکانیان بۆ ئەنجامدانی چالاکیی سیاسی، ئەندامانی بنەماڵەکانیان دەستبەسەردەکرێن و دۆسییە لە دژیان تۆماردەکرێت.
دەگوترێت کە بانگهێشت و لێکۆڵینەوە لەگەڵ ئەو بنەماڵانە بەبێ مۆڵەتی یاسایی دەرکراو لەلایەن دەزگای دادی ئێڕانەوە ئەنجامدراوە.
لێکۆڵەرە ئەمنییەکان هەروەها داوایان لە دایک و باوکی ئەو چالاکوانانە کردووە کە بچن بۆ هەرێمی کوردستان و ڕۆڵەکانیان پاشگەزبکەنەوە لە بەردەوامیدان بۆ چالاکییەکانیان و بیانگەڕێننەوە بۆ رۆژههڵاتی کوردستان.
جێگای ئاماژەیە کە لە چەند ساڵی ڕابردوودا دەیان ئەندامی حزبە کوردییەکان پاش گەڕانەوە بۆ رۆژههڵاتی کوردستان دەستبەسەرکراون و لە دادگاکاندا لەدژیان دۆسییە تۆمارکراوە. ئەوە لە کاتێکدایە کە هەمووی ئەو کەسانە بە هەماهەنگی پێشوەخت لەگەڵ ناوەندە ئەمنییەکان و ئاراستەکردنی پەشیمانی نامە گەڕاونەتەوە ناوخۆی وڵات.
بەپێی ئامارەکانی تۆڕی مافەکانی مرۆڤی کوردستان، لەم ساڵانەی ڕابردوودا زیاتر لە ٢٠ کەس پاش گەڕانەوە بۆ ئێران دەستبەسەرکراون و سزای بەندکرانیان بەسەردا سەپێندراوە.
ناوەندە ئەمنییەکان هەڕەشە لە بنەماڵەی چالاکوانانی کوردی دەرەوەی وڵات دەکەن
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە