هندحوسێن محەمەدیان، بەندکراوی سزادراو به سێداره کە لە رۆژی ١٢ی خەرمانانەوە/ ٢٠١٩.٠٩.٠٣ دەستی دابوویە مانگرتن لە خواردن، بە فەرمانی بەپرسانی گرتووخانەی تەورێز بۆ ژووری تاکەکەسی گواسترایەوە.
بە پێی ئهو زانیارییانهی به تۆڕی مافەکانی مرۆڤی کوردستان گهیشتوون، لە کاتێکدا دۆخی ئەم هاوڵاتییە لە هەشتەمین رۆژی مانگرتنەکەیەوە بەرو خراپی دەروات، بە فەرمانی بەرپرسانی بەندیخانەکە لە بەندی نۆوە بۆ ژووری تاکەکەسی گواستراوەتەوە.
رۆژی دووشەمەی پێشوو حوسێن محەمەدیان بە هۆی دابەزینی فشاری خوێن بۆ نەخۆشخانەی بەندیخانەکە دەگواسترێتەوە و لەوێ چاوی بە داواکاری گشتی تەورێز دەکەوێت. داواکاری گشتی تەورێز داوای لێکردووە کۆتایی بە مانگرتنەکەی بێنێت بۆ ئەوەی داواکارییەکانی تاوتوێ بکرێن. بەڵام ئەم بەندکراوە سوور بووە لەسەر ئەوەی درێژە بە مانگرتنەکەی دەدات.
حوسێن محەمەدیان سالی ١٣٨٣ی هەتاوی/ ٢٠٠٤ لەگەڵ هاوڵاتییەکی دیکە بە ناوی ئیسماعیل موستەخدیم بە تۆمەتی کوشتنی بە ئەنقەست لە شاری تەورێز دەستبەسەر کرا و به سێدارهدان یان قەساس سزا درا.
بنەماڵەی ئەم دوو بهندکراوه لە ساڵانی رابردوودا نەیانتوانیوە بنەماڵەی کوژراوەکە رازی بکەن تا سزای سێدارهدانهكه هەڵبوشێننەوە و لێیان خۆش بن، هەر بۆیە ئەم دۆخە تا ئێستا بەردەوامە.
لەم ماوەیەشدا ئیسماعیل موستەخدم توشی نەخۆشی شێرپەنجە بووە. دەگوترێت ئەم بهندكراوه لە کاتی وەرگرتنی چارەسەرە شیمیاییەکان ویستوویەتی لە بهندیخانه رابکات بەڵام نەیتوانیوە و بەم هۆیەشەوە پرۆسەی چارەسەرکردنەکەی وەستێنراوە.
بەندکراوێکی مانگرتوو بۆ ژووری تاکەکەسی گواسترایەوە
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە