لە رۆژانی رابردوودا چوار هاووڵاتی کورد بە بێ مۆڵەتی دەزگای دادوەری ئێران لەلایەن هێزە ئەمنییەکانەوە لە شارەکانی مەریوان، پاوە و شنۆ دەستبەسەر کران.
بە پێی زانیارییەکانی تۆڕی مافەکانی مرۆڤی کوردستان، رۆژی سێ شەمە ۵ی خەرمانانی ١٣٨٩ی هەتاوی/ ٢٠١٩.٠٨.٢٧ خوێندکارێکی کورد بە ناوی کارۆ کاوە کاتێک کە سەرقاڵی کاری کشتوکاڵ بووە لە مەزراکەی خۆیان لە ئاوایی نێی مەریوان، لەلایەن هێزە ئەمنییەکانەوە دەستبەسەر کراوە. هێزە ئەمنییەکان هەر لە ئاواییە سینا جاست هاووڵاتێکی دیکەی ئەو ئاواییە دەستبەسەر دەکەن. دەگوترێت هەر دوو هاووڵاتییە کوردەکە بۆ شوێنێکی نادیار گواستراونەتەوە.
هاوکات لە شنۆ هێزەکانی ئیتلاعاتی سپای پاسداران خوێندکارێکی کوردیان بە ناوی محەمەد ئیقبال خەڵکی نەڵاس دەستبەسەر و بۆ شوێنێکی نادیاریان گواستۆتەوە.
محەممەد ئیقبال خوێندکاری بواری ئەندازیاریی “زانیاریی تەکنۆلۆژیا” (Information Technology) بووە لە زانکۆی فیردەوسی مەشهەد.
هەر لە درێژەی دەستبەسەرکردنی هاووڵاتیانی کورد، رۆژی دووی خەرمانانی ١٣٨٩ی هەتاوی/ ٢٠١٩.٠٨.٢٤ هاووڵاتییەکی کورد بە ناوی سۆران عهزیزی خەڵکی ئاوایی زەردوویی پاوە لەلایەن هێزە ئەمنییەکانەوە دەستبەسەر کراوە و دەستبەجێ گواستراوەتەوە بۆ دەستبەسەرکەی ئیدارەی ئیتلاعاتی کرماشان کە بە مەیدان نەفت ناسراوە.
هێزە ئەمنییەکان هۆکاری دەستبەسەرکردنی ئەم هاووڵاتییانەیان هاوکاریکردن لەگەڵ حیزبە کوردستانییەکان راگەیاندووە.
هەفتەی رابردوو تۆڕی مافەکانی مرۆڤی کوردستان لە راپۆرتێکی تایبەتدا باسی لە دەستبەسەر کردنی پتر لە ٤٠ هاووڵاتی و چالاکی کورد کردبوو کە لە ئێستادا لە دەستبەسەرگەی سنە دان و لێپێچینەوەیان لەگەڵدا دەکرێت
چوار هاووڵاتی کورد لە شارەکانی پاوە، مەریوان و شنۆ دەستبەسەر کران
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە